एजेन्सी ।
क्रिष्टियानो रोनाल्डो पेनाल्टीमा चुक्दा युभेन्टस जित बिहीन बनेको छ । इटालियन सिरी ए मा यो सिजन ६ खेलमा युभेन्टस बराबरीमा रोकिएको छ ।
लिग अन्तर्गत बुधबार राति भएको खेलमा युभेन्टस एट्लान्टासँग १–१ को बराबरीमा रोकिएको हो । घरेलु टोली युभेन्टसका लागि चिएसाले २९ औँ मिनेटमा गोल गरेका थिए ।
तर ५७ औँ मिनेटमा फ्रेउलेरले एट्लान्टाका लागि बराबरी गोल फर्काए । त्यसपछि पाएको पेनाल्टीमा रोनाल्डोले गोल गर्न सकेनन् । यस्तै एट्लान्टाका गोलरक्षक पिएर्लुइजी गोलिनीले अल्भारो मोराटाको प्रहार पनि रोके ।
विगत नौ सिजन उपाधि जितेको युभेन्टस यो सिजनका १२ खेलमा अपराजित छ, तर उसले आधा खेलमा मात्रै जित निकालेको छ ।
शीर्ष स्थानको एसी मिलान भन्दा चार अंकले पछि रहेको युभेन्टस तेस्रो स्थानमा छ । उसको १२ खेलबाट २४ अंक भएको छ भने दोस्रो स्थानको इन्टर मिलानको २७ तथा शीर्ष स्थानको एसी मिलानको २८ अंक छ ।
