जनादेश संवाददाता,
घोराही । घोराही उपमहानगरपालिका २ रामपुर स्थितगंगा माद्यामिक विद्यालयको विद्यालय व्यवस्थापन समितिको शिक्षक प्रतिनिधी चयनका लागि निर्वाचन भएको छ ।
विद्यालयमा भएको निर्वाचनबाट विद्यालय व्यवस्थापन समिति सदस्यकोरुपमा शिक्षक प्रतिनिधी श्रीमण न्यौपाने विजयी हुनुभएको छ ।
प्रतिद्धन्द्धी शिक्षक मालबहादुर केसीलाई हराउदै न्यौपाने विजयी हुनुभएको छ । विजयी न्यौपानेले २० र पराजित केसीले १२ मत ल्याउनुभएको निर्वाचन समितिका सदस्य गंगा गौतमले जानकारी दिनुभएको छ ।
गएको फागुन ६ गते विद्यालय व्यवस्थापन समितिको निर्वाचन भएको थियो । नेपाल कम्युनिष्ट पार्टी नेकपा र नेपाली कांग्रेस निकटका समूहमा निर्वाचन हुदा नेकपा समर्थित शरद डिसी सहितको प्यानल व्यवस्थापन समितिमा विजयी भएको थियो ।
सहमतीको प्रयास गर्दा पनि शिक्षक प्रतिनीधिमा कुरा नमिलेका कारण आज चुनाब भएको व्यवस्थापन समितिका अध्यक्ष डिसीले जानकारी दिनुभयो ।।
