नेपाली बजारमा आज सुनचाँदीको मूल्य स्थिर रहेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २० हजार ५०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १९ हजार ९०० रुपैयाँ कायम भएको छ ।
महासंघका अनुसार सोमबार चाँदीको मूल्य पनि स्थिर रहेको छ । सोमबार चाँदी प्रतितोला १४ सय ५५ रुपैयाँमा किनबेच भइरहेको छ ।
अन्तर्राष्ट्रिय बजारमा आज सुन प्रतिऔंस २ हजार ६६.२६ डलर र चाँदी प्रतिऔंस २३.७९ डलरमा कारोबार भइरहेको छ ।
