बुधबार सेयर बजार परिसूचक नेप्से ५.९१ अंकले बढेर दुई हजार ०७६.५० विन्दुमा पुगेको छ ।
विकास बैंक ९६, फाइनान्स ११६, उत्पादन ५, निर्जीवन बीमा ४३, र अन्य उपसमूह १८ अंकले बढेको छ । त्यस्तै, बैंकिङ २, होटल तथा पर्यटन ८, हाइड्रोपावर ३, जीवन बीमा २८ र ब्यापार उपसमूह १० अंकले घटेको छ ।
आज नेपाल फाइनान्स, बोटलर्स नेपाल, पाचथर पावर र समाज लघुवित्तको सेयर १० प्रतिशतले बढेको छ । समग्रमा बजार बढे पनि आज पिपुल्स पावरको सेयर सबैभन्दा धेरै ५.८१ प्रतिशतले घटेको छ ।
यस दिन ३०२ कम्पनीको एक करोड २३ लाख कित्ता सेयर ४ अर्ब २५ करोडमा कारोबार भएको छ ।
