आइतबार सेयर बजार परिसूचक नेप्से दोहोरो अंकले घटेको छ । नेप्से ११.७८ अंकले घटेर एक हजार ९६०.३० विन्दुमा पुगेको छ ।
बैंकिङ ६, विकास बैंक १७, फाइनान्स १३, हाइड्रोपावर २०, जीवन बीमा ९१, माइक्रोफाइनान्स १८, निर्जीवन बीमा ५६, अन्य १७ र ब्यापार समूह ७१ अंकले घटेको छ । त्यस्तै, होटल २७ र उत्पादन समूह ४४ अंकले बढेको छ ।
आज चिरख्वा हाइड्रोपावरको सेयर सबैभन्दा धेरै ७.४ प्रतिशतले घटेको छ । समग्रमा बजार घटे पनि आज ग्लोबल आईएमई लघुवित्तको सेयर ९.७ प्रतिशतले बढेको छ ।
यस दिन ३०९ कम्पनीको ५५ लाख कित्ता सेयर २ अर्ब ८ करोडमा कारोबार भएको छ ।
