काठमाडौँ । बिहिबार सेयर बजार परिसूचक नेप्से २९.२१ अंकले बढेर दुई हजार २०४.६१ विन्दुमा पुगेको छ ।
बैंकिङ २८, विकास बैंक ७, हाइड्रोपावर ३७, जीवन बीमा ३१८, निर्जीवन बीमा १११, अन्य २५, होटल तथा पर्यटन ३३, उत्पादन ४ र फाइनान्स उपसमूह ७ अंकले बढेको छ । त्यस्तै, आज माइक्रोफाइनान्स २५ र व्यापार उपसमूह ११ अंकले घटेको छ ।
आज बलेफि हाइड्रोपावरको सेयर सबैभन्दा धेरै ९.९९ प्रतिशतले बढेको छ । समग्रमा बजार बढेपनि आज समाज लघुवित्त वित्तिय संस्थाको सेयर ४.५९ प्रतिशतले घटेको छ ।
यस दिन ३३१ कम्पनीको दुई करोड २ लाख कित्ता सेयर ७ अर्ब ८ करोडमा कारोबार भएको छ ।
