जनादेश, बाँके ।
बाँकेमा आज ७३ जनामा कोरोना संक्रमण पुष्टि भएको छ । कोहलपुरमा ५१ जना र नेपालगन्जमा २२ जनामा कोरोना पुष्टि भएको हो ।
मध्यपश्चिम तालिम शिक्षालय कौशिल्या ब्यारेकका तालिमरत ५१ सेनामा संक्रमण देखिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभएको छ । ब्यारेकमा एक सय जनाको स्वाब लिइएकोमा ५१ जनामा कोरोना संक्रमण देखिएको हो ।
कोहलपुरमा हालसम्मकै सबैभन्दा धेरै संक्रमित फेला परेका हुन् ।योसँगै बाँकेमा ९१६ जना कोरोना संक्रमित देखिएका छन् । बाँकेमा आजसम्म ६ सय ६० जना कोरोना संक्रमित डिस्चार्ज भइसकेका छन् । बाँकेमा पाँच जनाको कोरोनाका कारण मृत्यु भइसकेको छ ।
