जनादेश, काठमाण्डौ ।
जमैका तलाबाजले क्यारेबियान प्रिमियर लिगमा शनिबार तेस्रो खेल जितेर अंक तालिकाको तेस्रो स्थानमा उक्लेको छ । जमैकाले सेन्ट किट्स एन्ड नेभिस प्याट्रिएसलाई ३७ रनले हरायो ।
पहिले ब्याटिङ गरेको जमैकाले जितका लागि तय गरेको १ सय ४८ रनसामु सेन्ट किट्स १ सय १० रन बनाएर अलआउट भएको थियो । सेन्ट किट्स १९.४ ओभर मात्र टिकेको थियो ।
सन्दीपले त्यसमा चार ओभर बलिङ गर्दै २७ रन दिएर दुई विकेट लिए । लेग स्पिनर सन्दीपले एभिन लेविस र इस सोढीलाई आउट गरे । यसअघि ग्लेन फिलिप्सको ७९ रनको मदतले जमैकाले ६ विकेटम १ सय ४७ रन बनाएको थियो ।
