जनादेश, काठमाण्डौ ।
रोजगारीको शिलसिलामा बिदेशमा रहेका र कोरोनाका कारण समस्यामा परेपछि ५३ हजार ६ सय ९९ जना नेपाली जागीर छोडेर स्वदेश फर्केका छन् । सरकारले जारी गरेको तथ्याङकअनुसार ५८ देशबाट कोरोना महामारी सुरु भएयता ५३ हजार ६ सय ९९ जना नेपाली स्वदेश फर्किएका हुन् ।
ति मध्ये सबैभन्दा बढी १५ हजार २ सय १० जना नेपाली दुबईबाट र मलेसियाबाट ८ हजार २ सय ७६ जना नेपाली स्वदेश फर्किएका छन् ।साउदीबाट आठ हजार २ सय २८, कुवेतबाट ६ हजार ३ सय २० जना नेपाली स्वदेश आएका छन् ।
यस्तै, कतारबाट पाँच हजार ७ सय ३९, जापानबाट एक हजार २ सय ८२, अस्ट्रेलियाबाट एक हजार ८७, दक्षिण कोरियाबाट ९ सय ६७ जना र बङ्गलादेशबाट ८६५ जना फर्किएको सरकारले बताएको छ ।
यसैगरी, माल्दिभ्सबाट ७ सय ९, ओमानबाट ६ सय ६७, अमेरिकाबाट ५ सय ९१, थाइल्याण्डबाट ३ सय २६, बेलायतबाट २ सय ४४, चीनबाट २ सय ८ जना नेपाली स्वदेश फर्किएका हुन् ।
