चन्द्रप्रकाश नेपाली ।
दाङमा कोरोना भाइरस संक्रमितको संख्या ७ सय ९१ पुगेको छ । स्वास्थ्य कार्यालय दाङका अनुसार अहिले सम्म जिल्लामा ७ सय ९१ जनामा कोरोना संक्रमण पुष्टि भएको र ति मध्य ६ सय ९८ जना कोरोना मुक्त भएका छन् । दाङमा अहिले ९१ जना सक्रिय संक्रमित रहेका छन् ।
उनिहरुको जिल्लाका विभिन्न आइसोलेशन, अस्पतालमा उपचार भैरहेको छ भने केही घरमै छुट्टै कोठामा बसेका छन् । ५ जना संक्रमितको भने जिल्ला बाहिर उपचार भैरहेको छ । यसैविच तीन वटा गाउँपालिकामा पुष्टि भएका संक्रमित सबै कोरोना मुक्त भएका छन् ।
बंगलाचुली, गढवा र दंगिशरण गाउँपालिकामा संक्रमण पुष्टि भएकाहरु सबै कोरोना मुक्त भएको स्वास्थ्य कार्यालयका फोकल पर्सन कमल चन्दले जानकारी दिनुभएको छ ।
बंगलाचुलीमा १ सय ६०, गढवामा ४५ र दंगिशरणमा ५ जनामा संक्रमण पुष्टि भएको र उनिहरु सबै कोरोना मुक्त भैसकेको उहाँको भनाई छ ।
समयमै नियन्त्रणका उपायहरु नपनाउने हो भने भयावह अवस्था आउन सक्ने स्वास्थ्य क्षेत्रका विज्ञहरु बताउँछन् ।
