जनादेश, काठमाण्डौ ।
महाराजगञ्जस्थित त्रिवि शिक्षण अस्पतालमा उपचाररत २ जना कोरोना संक्रमितको मृत्यु भएको छ । शिक्षण अस्पतालको कोभिड अस्थायी युनिटमा उपचाररत ७१ बर्षीय पुरुष र २० बर्षीया महिलाको मंगलबार उपचारका क्रममा मृत्यु भएको युनिट संयोजक प्राडा शान्तकुमार दासले जानकारी दिए ।
उनका अनुसार२० बर्षीया महिला तनहुँकी हुन् । बाथ र मिर्गौला सम्वन्धी समस्या भएकी उनलाई अल्का अस्पतालबाट मंगलबार मात्रै शिक्षण अस्पताल ल्याइएको थियो । यस्तै अर्का मृतक भक्तपुरका हुन् ।
उनी सोमबार बेलुका अस्पतालको आकस्मिक कक्षमा आएका थिए । उनमा सुगर प्रेसर जस्ता दीर्घरोग थियो ।
डा दाशले अस्पतालमा अहिले ८० जना कोरोना संक्रमितको उपचार भइरहेको बताए ।
