जनादेश, काठमाडौं ।
आज (विहीबार) विहान ११ बजेका लागि बोलाइएको नेकपा केन्द्रीय सचिवालयको बैठक समय परिवर्तन भएको छ । गृहकार्य नपुगेको भन्दै बैठक दिउसो ३ बजेका लागि सारिएको नेकपाले जनाएको छ ।
उपाध्यक्ष बामदेव गौतमले राष्ट्रियसभामा जाने इच्छा देखाएपछि नेकपामा नयाँ किचलो थपिएको छ । त्यसैगरी नेकपा विवाद मिलाउन गठित कार्यदलले दिएको प्रतिवेदनमाथि पनि सचिवालयमा छलफल गर्ने तालिका छ ।
प्रतिवेदनको मर्म विस्तार गर्न कार्यदलका सदस्यहरु पनि आजको सचिवालय बैठकमा बोलाइने बुझिएको छ ।
कार्यदलका संयोजक विष्णु पौडेल सचिवालय सदस्य भएकाले अन्य नेताहरु भीम रावल, सुरेन्द्र पाण्डे, जनार्दन शर्मा, शंकर पोखरेल र पम्फा भुसाललाई पनि बैठकमा राखेर छलफल गरिने बालुवाटार श्रोतको भनाई छ । पार्टी विवाद उत्कर्षमा पुगेपछि गत साउन ३० गते दुई अध्यक्षको सहमतिमा समाधान कार्यदल गठन गरिएको थियो।
कार्यदलले दिएको प्रतिवेदन कार्यान्वयनबारे नेकपाभित्रै चासो बढिरहेको छ ।
बालुवाटारमा तेश्रो विकल्प खोजीः विष्णु पौडेल बन्न सक्छन् अर्थमन्त्री
बामदेवको सिंहदरबार आकाँक्षाः बुधबार बालुवाटारदेखि खुमलटारसम्म के के भयो
