जनादेश, काठमाण्डौ ।
अन्ततः लामो रस्साकस्सीबीच प्रधानमन्त्री केपी शर्मा ओली वामदेव गौतमलाई राष्ट्रियसभामा मनोनितका लागि राष्ट्रपतिसमक्ष सिफारिस गर्न सहमत भएका छन् ।
सत्तारुढ नेकपामा नेताहरुबीच यस्तो सहमति भएपश्चात आज दिउँसो ३ बजेका लागि राखिएको सचिवालय बैठकले यसबारेमा ठोस निर्णय गर्नेछ ।
राष्ट्रियसभामा वामदेव गौतमलाई नियुक्तिका लागि मन्त्रिपरिषदले राष्ट्रपति समक्ष सिफारिस गरेपछि गौतमका यहि २१ गतेबाट नै सासंद बन्नेछन् भने अर्थमन्त्री डा युवराज खतिवडा बाहिरिने निश्चित भएको छ ।
यही प्रसंगतर्फ लक्षित गर्दै वरिष्ठ पत्रकारसमेत रहेका प्रेस काउन्सिल नेपालका कार्यवाहक अध्यक्ष किशोर श्रेष्ठले आफ्नो टिव्टरमा लेखेका छन् : बामदेव इन, खतिवडा आउट (नेताहरुवीच सहमति) सचिवालय बैठक तीन बजेलाई सर्यो ।
स्रोतका अनुसार वामदेव गौतम ओली सरकारमा उपप्रधान सहित अर्थमन्त्री बन्नेछन् भने खतिवडाको बर्हिगमन निश्चित भएको छ ।
