चन्द्र प्रकाश नेपाली
तुलसीपुर, दाड. । शान्तिनगर गाउँपालिका २ का वडा अध्यक्ष फर्साराम डाँगीमाथि आक्रमण गरेको अभियोगमा थप दुई जना पक्राउ गरेका छन् ।
पक्राउ पर्नेमा शान्तिनगर कै हिमबहादुर घर्ती र उहाँका छोरा गंगाराम घर्ती रहेको ईलाका प्रहरी कार्यालय तुलसीपुरका डिएसपी शिवबहादुर सिहले जानकारी दिनुभयो
यो सँगै पक्राउ पर्नेको संख्या७ जना पुगेका छ ।
हिमबहादुर घर्ती खानेपानीको रेखदेख गर्ने चौकीदार रहेको बताईएको छ । घर्ती पक्राउ परेपछि खानेपानी आपूर्तिमा समस्या हुँदा पाँच सय घरधुरी प्रभावित भएको स्थानीयले बताएका छन् ।
वडाध्यक्ष डाँगीमाथि असार १६ गते आक्रमण भएको थियो । उहाँको अहिले काठमाडौमा उपचार भैरहेको छ भने आक्रमणको जिम्मा प्रतिबन्धीत बिप्लब नेतृत्वको नेकपाले लिएको छ ।
