जनादेश, काठमाडौँ ।
देशभर आज थप १३५९ जनामा कोरोना संक्रमण पुष्टि भएको छ ।
यो सहित नेपालमा कोरोना संक्रमित हुनेको संख्या ४४ हजार २३६ पुगेको स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले जानकारी दिएका छन् ।
पछिल्लो २४ घन्टामा थप १३५४ जना कोरोना संक्रमणमुक्त भएका छन् । यससँगै नेपालमा हालसम्म २५ हजार ५६१ उपचारपछि निको भएका छन् ।
यस्तै, काठमाडौं उपत्यकामा आज थप ४५४ जना कोरोना संक्रमित थपिएका छन्।
बिहीबार काठमाडौंमा ३८६, ललितपुरमा ३२ र भक्तपुरमा ३६ संक्रमित थपिएको डा. गौतमले जनाएका छन् । यससँगै उपत्यकामा कोरोना संक्रमितको संख्या ७ हजार ४९२ पुगेको छ ।
