एजेन्सी ।
नेसन्स लिग फुटबलमा डिफेन्डिङ च्याम्पियन पोर्चुगलले क्रोसियामाथि शानदार जित निकालेको छ । आइतबार भएको खेलमा कप्तान क्रिष्टियानो रोनाल्डोविनै मैदानमा उत्रिएको घरेलु टिम पोर्चुगलले क्रोसियालाई ४–१ गोलको फराकिलो अन्तरले पराजित गरेको हो ।
पोर्चुगलको जितमा जोआओ क्यानसेलो, डिओगो जोटा, जोआओ फेलिक्स र एन्ड्रे सिल्भाले गोल गरे। क्रोसियाका लागि ब्रुनो पिटकोभिचले गोल गरे ।
पोर्चुगलले पहिलो हाफमा एक गोल र दोस्रो हाफमा थप तीन गोल गरेको थियो । खेलको ४१औं मिनेटमा जोआओ क्यानसेलोले गोल गर्दै पोर्चुगललाई अग्रता दिलाए ।
५८औं मिनेटमा डिओगो र ७०औं मिनेटमा फेलिक्सले गोल गर्दा पोर्चुगलले ३-० गोलको अग्रता लियो। इन्जुरी समयमा पिटकोभिचले गोल गर्दै ३–१ को स्थितिमा ल्याएपनि अन्तिम समयमा सिल्भाले गोल गर्दै पोर्चुगललाई ४–१ गोलको जित दिलाए ।
