चन्द्रप्रकाश नेपाली, घोराही ।
दाङमा प्रहरीले तास खेलिरहेका ५ जनालाई ३० हजार रुपैयाँ सहित पक्राउ गरेको छ ।
घोराही उपमहानगरपालिका १५ पाठक चोक स्थित यामबहादुर थापाको घरमा तास खेली रहेका ५ जनालाई ३० हजार ३ सय ९५ रुपैयाँ सहित पक्राउ गरिएको जिल्ला प्रहरी कार्यालय दाङले जनाएको छ ।
प्रहरीले थापा सहित ५ जनालाई नियन्त्रणमा लिई जुवा ऐन अन्तरगत मुद्धा दर्ता गरेर कार्वाही प्रकृया सुरु गरेको प्रहरी निरीक्षक राजन गौतमले जानकारी दिनुभएको छ । उनिहरुको साथबाट ३ गड्डी तास समेत बरामद भएको प्रहरीले जनाएको छ ।
