जनादेश, काठमाडौँ ।
पछिल्लो २४ घण्टामा देशभर थप १ हजार ७४१ जनामा कोरोना संक्रमण पुष्टि भएको छ ।
यससँगै नेपालमा कोरोना संक्रमितको संख्या १ लाख ५९ हजार ८३० पुगेको स्वास्थ्य तथा जनसंख्या मन्त्रालयले जनाएको छ । यस्तै, आज थप ४ हजार ५ जना डिस्चार्ज भएसँगै कोरोनामुक्त हुनेको संख्या १ लाख १५ हजार ६७५ पुगेको मन्त्रालयका प्रवक्ता डा जागेश्वर गौतमले जनाएका छन् ।
आज देशभर थप १५ जनाको कोरोना संक्रमणबाट मृत्यु भएको । योसँगै कोरोनाबाट मृत्यु हुनेको संख्या ८ सय ६२ पुगेको छ ।
