एजेन्सी ।
मिची बाट्सुयीको दुई गोलको मद्दतमा बेल्जियम अन्तर्राष्ट्रिय मैत्रीपूर्ण खेलमा विजयी भएको छ । घरेलु मैदानमा बुधबार राति भएको खेलमा बेल्जियम स्विट्जरलयान्डमाथी २–१ गोलले विजयी भएको हो ।
खेलमा सुरुवाती अग्रता भने स्विट्जरलयान्डले लिएको थियो । पहिलो हाफमा लिएको १–० को अग्रतो दोस्रो हाफमा जोगाउन नसक्दा बेल्जियमसँग पराजित हुन पुगेको हो ।
खेलको १२ औं मिनेटमा स्विट्जरलयान्डका एडमिर मेहमेदीले गोल गर्दै पाहुना टोलीलाई पहिलो हाफमा १–० को अग्रता दिलाएका थिए । तर, दोस्रो हाफमा घरेलु टोली बेल्जियमले दुई गोल गर्यो । दोस्रो हाफ सुरु भएको चार मिनेट नबित्दै मिचीको गोलबाट खेल बराबरीमा आएको थियो । उनले टेलेम्यान्सको पासमा गोल गरेका थिए ।
त्यस्तै ७० मिनेटमा मिचीले व्यक्तिगत दोस्रो गोल गरे । उनले दोस्रो गोल फोकेटको पास गर्दै घरेलु टोलीलाई २–१ को पुनरागमन जित दिलाए ।
त्यस्तै अर्को खेलमा पोल्यान्डले युक्रेनलाई पराजित गरेको छ । घरेलु मैदानमा भएको खेलमा पोल्यान्डले युक्रेनमाथी २–० को जित निकालेको छ । पोल्यान्डका लागि पियाटेक र मोडेरले एक एक गेल गरेका थिए ।
