जनादेश, काठमाडौँ ।
लुम्बिनी प्रदेशका मुख्यमन्त्री शंकर पोखरेलले अध्यक्षद्वयले आफ्नो जिम्मेवारी पुरा नगर्दा नेकपा संकटमा परेको बताएका छन् । विवाद समाधान कार्यदलले दुबै अध्यक्षलाई फरक जिम्मेवारी तोकेपनि प्रधानमन्त्री केपी ओलीले पार्टीको काममा चासो दिने र पार्टीको जिम्मेवारी लिएका अध्यक्ष पुस्पकमल दाहाल प्रचण्डले सरकारमा चासो दिदा विवाद बढेको मुख्यमन्त्री पोखरेलको दाबी छ ।
पाल्पामा आयोजित एक कार्यक्रममा मुख्यमन्त्री पोखरेलले विवाद तल्लो तहसम्म आइपुग्दा एकताको आधार नै भत्किन सक्ने भन्दै सहमतीबाटै निकाश खोज्नुपर्नेमा जोड दिए । आम कार्यकर्ता पाटी एकताकै पक्षमा रहेकोले सचिवालयले हल गर्न नसकेको समस्या स्थायी कमिटीले समाधान गर्नुपर्ने उनको भनाई छ ।
पाटी एकताको आधार कार्यकर्ता भएकोले नेतृत्वमा विवाद रहेपनि तल्लो तहका कार्यकर्तालाई विचलित नहुन उनको आग्रह छ ।
