एजेन्सी ।
प्रिमियर लिग फुटबलमा आज राति म्यान्चेस्टर डर्बी हुँदैछ । लिगको ११ औं चरणको खेलमा म्यान्चेस्ट युनाइटेड र म्यान्चेस्टर सिटी आमने सामने हुन लागेका हुन् । म्यान्चेस्टर युनाइटेडको वल्र्ड ट्राफोर्डमा हुन लागेको खेल नेपाली समय अनुसार राति सबा ११ बजे सुरु हुनेछ ।
घरेलु मैदानमा जित निकाल्दै युनाइटेड तेस्रो स्थानको चेल्सीसंग अंक बराबरी गर्ने लक्षमा हुनेछ । आजको जितले युनाइटेड कम्तिमा लिगको चौथो स्थानमा उक्लिने छ । अहिले लिग तालिकाको सातौं स्थानमा रहेको युनाइटेडको १० खेलमा १९ अंक छ ।
यस्तै सिटी पनि अंक तालिका सुधारका लागि जितको खोजिमा छ । १० खेलमा १८ अंकसहित ८ औं स्थानमा रहेको सिटी आजको जितले कम्तिमा छैटौं स्थानमा पुग्नेछ ।
प्रिमियर लिगमा आजै यसबाहेक तीन खेल हुनेछन् । राति हुने खेलमा चेल्सीले पनि एभर्टनको सामना गर्दैछ ।
