जनादेश, काठमाडौँ ।
प्रधानमन्त्री केपी शर्मा ओलीको संसद विघटन गर्ने निर्णयमा सर्वोच्च अदालतले कारण देखाऊ आदेश जारी गरेको छ । संसद विघटनविरुद्ध परेको रिटमाथि सुनुवाई गर्दै सर्वोच्चको संवैधानिक इजालाशले कारण देखाऊ आदेश जारी गरेको हो ।
प्रधानन्यायाधीश चोलेन्द्रशमशेर जबरा, न्यायाधीशहरू हरिकृष्ण कार्की, विश्वम्भरप्रसाद श्रेष्ठ, तेजबहादुर केसी र अनिलकुमार सिन्हाको इजलासमा मुद्दाको सुनुवाइ भएको हो ।
प्रधानमन्त्री केपी शर्मा ओलीले सिफारिस गरेसँगै ५ पुसमा राष्ट्रपति विद्यादेवी भण्डारीले प्रतिनिधि सभा विघटन गरेकी थिइन् । जसको लगत्तै सर्वोच्चमा प्रतिनिधि सभा विघटनविरुद्ध १३ वटा रिट दायर भएका थिए ।
