जनादेश, हेटौंडा ।
बागमती प्रदेशका तीन मन्त्रीले आज सामूहिक राजीनामा दिएका छन् । प्रदेशका मुख्यमन्त्री डोरमणि पौडेलविरुद्ध अविश्वासको प्रस्ताव प्रदेशसभामा दर्ता गरेसँगै दाहाल–नेपाल खेमाका तीन जना मन्त्रीले सामूहिक राजीनामा दिएका हुन् ।
वाग्मती प्रदेशका आन्तरिक मामिला तथा कानुन मन्त्री शालिकराम जम्मकट्टेल, सामाजिक विकास मन्त्री युवराज दुलाल र उद्योग, पर्यटन, वन तथा वातावरण मन्त्री अरुण नेपालले सामूहिक राजीनामा दिएका हुन् । प्रदेश सरकार अलोकप्रिय भइरहेकाले यस्तो अवस्थामा जनचाहना अनुसार काम गर्न नसकेको बताउँदै उनीहरुले राजिनामा दिएका हुन् ।