जनादेश, काठमाडौँ ।
बिबिसीको प्रभावशाली एक सय महिलाको सूचीमा परेकी १८ वर्षीया सपना रोका मगरले विभिन्न आरोप लगाउँदै धम्कि दिएका विनयजंग बस्नेतविरूद्ध महानगरीय प्रहरी परिसर, काठमाडौंमा उजुरी दिएकी छन् ।
बेवारिसे शव व्यवस्थापनमा सलंग्न बस्नेतले विभिन्न युट्युव च्यानलमार्फत सपनाको नग्न तस्वीर सार्वजनिक गरिदिने धमिक दिएका थिए । बस्नेतले चरित्र हत्या गर्दै धम्कि दिएपछि सपना न्यायका लागि प्रहरीसमक्ष पुगेकी हुन् । उजुरी परेसँगै बस्नेतलाई पक्राउ गर्ने तयारी भइरहेको प्रहरीले जानकारी दिएको छ ।
प्रहरीको लिस्टमा रहेका बस्नेत भने हाल काठमाडौँ बाहिर छन् ।
