एजेन्सी । फेसबकुले अस्ट्रेलियाका उपयोगकर्ताहरूका लागि फेरि आफ्नो समाचार पेज खुला गर्ने जनाएको छ ।
समाजिक सञ्जालको ठूलो कम्पनी फेसबुकले अस्ट्रेलियामा गत बिहीबार देखि समाचार पेज बन्द गरेको थियो ।
अस्ट्रेलियाले सामाजिक सञ्जालका कम्पनीहरूलाई विभिन्न स्थानीय मिडियाका समाचार प्रयोग गर्दा त्यसका लागि भुक्तानी गर्नुपर्ने कानुन लागेको विरोधमा फेसबुकले समाचार पेज बन्द गरेको थियो ।
फेसबुकले स्थानीय मिडियाका समाचार फेसबुकमा प्रयोग हुँदा त्यसवापत रकम तिर्नु गलत भएको भन्दै त्यसको विरोध गरेको थियो ।
अस्ट्रेलियाका ट्रेजरर जोश प्राइडनबर्गले आउदा दिनमा फेसबुक न्युज पेजहरूमा फेरि आउने बताए ।
कानुनमा संशोधन गरिने जनाउँदै उनले मंगलबार यस्तो बताएका हुन । अस्ट्रेलियाको सरकारले कानुनमा हुने संशोधनबाट टेक कम्पनी र समाचार कम्पनीहरूबीच समाचारका लागि एक न्यायपूर्ण सम्झौता तय हुने विश्वास व्यक्त गरेको छ ।
फेसबुक र गुगलले यो कानुनको विरोध गरेपनि यो विश्वभरका लागि नियमनकारी कानुन हुने अपेक्षा गरिएको छ ।
फेसबुकले यस विषयमा सरकारसँग भएको छलफलबाट पुन विश्वसत भएको जनाएको छ ।
