जनादेश, काठमाडौं ।
नेकपा माओवादी केन्द्रका अध्यक्ष पुष्पकमल दाहाल प्रचण्डले नेपाली कांग्रेसका नेता तथा पूर्वमन्त्री नवीन्द्रराज जोशीको निधनमा दुख व्यक्त गरेका छन् ।
प्रचण्डले सामाजिक सञ्जालमा ट्वीट गर्दै जोशीको निधनप्रति दुःख व्यक्त गरेका छन् । दिवङ्गत नेता जोशीप्रति भावपूर्ण श्रध्दाञ्जली अर्पण गर्दै प्रचण्डले लेखेका छन् ।
उनले भनेका छन् ,’नेपाली कांग्रेसका केन्द्रीय सदस्य तथा पूर्वमन्त्री नवीन्द्रराज जोशीको हिजो राति नर्भिक अस्पतालमा निधन भएको खबरले दुःख लागेको छ । दिवङ्गत नेता जोशीप्रति भावपूर्ण श्रध्दाञ्जली अर्पण गर्दै शोक सन्तप्त परिवारजनमा गहिरो समवेदना प्रकट गर्दछु ।’
मस्तिष्क घात भएका जोशीको थापाथालीस्थित नर्भिक अस्पतालमा उपचारका क्रममा शुक्रबार राति निधन भएको थियो ।
