जनादेश सोसल मिडिया वाच ।
पूर्वप्रधानमन्त्री डा.बाबुराम भट्टराईले मेलम्ची खानेपानी आयोजनाको काम पूरा भएकोमा खुसी व्यक्त गर्दै अन्य आयोजना पनि समयमै पूरा गर्नेतर्फ ध्यानाकर्षण गराएका छन् ।
आफ्नै पालामा घोषणा भएका १७ वटा राष्ट्रिय गौरवका आयोजनाको काम अझै अधुरै रहेको भन्दै बाबुरामले ती पूरा गर्न स्मरण गराएका छन्। सोमबार बिहान सामाजिक सञ्जालमार्फत् भट्टराईले आफू प्रधानमन्त्री हुँदा घोषित १७ राष्ट्रिय गौरवका आयोजनामध्ये अझै १६ वटाको काम सकिन बाँकी रहेको स्मरण गराएका हुन् ।
‘अन्तत : मेलम्चीको पानी काठमाडौंका धारामा झर्नु खुशीको कुरा हो,’ भट्टराई ट्वीटरमा लेखेका छन्, ‘पचास वर्षदेखिको सपना, २० वर्षको उतारचढाव र रू ३० अर्ब खर्चपछि आयोजना पूरा हुँदा सम्बन्धित सबैले जसअपजस पाउने नै छन्। त्यसमा माथापच्ची नगरौं मेरो पालामा घोषित १७ राष्ट्रिय गौरवका परियोजनामध्ये अझै १६ वटा बाँकी छन्। ती पूरा गरौं, अनि हाँसौँ !’
अन्तत:मेलम्चीको पानी काठमाण्डौका धारामा झर्नु खुशीको कुरा हो!पचास बर्षदेखिको सपना २०बर्षको उतारचढाव र रू३०अर्ब खर्चपछि पूरा हॅुदा सम्बन्धित सबैले जश/अपजश पाउने नै छन्;त्यसमा माथापच्ची नगरौं!मेरो पालामा घोषित१७राष्ट्रिय गौरवका परियोजनामध्ये अझै१६बॅाकी छन्! ती पूरा गरौं,अनि हॅासौं!
— Baburam Bhattarai (@brb1954) March 29, 2021
मेलम्चीको पानी काठमाडौं ल्याउन ५० वर्ष लागेको भनेर जनस्तरबाट नेतृत्वको आलोचना भइरहँदा पूर्व प्रधानमन्त्री भट्टराईले यसको जसअपजस सम्बन्धित सबैले लिनुपर्नेसमेत बताएका छन्।
