जनादेश, काठमाडौँ ।
काठमाडौं उपत्यकामा थप एक साताका लागि निषेधाज्ञा लम्ब्याइएको छ । काठमाडौं, भक्तपुर र ललितपुर जिल्लाका प्रमुख जिल्ला अधिकारीको आइतबार बसेको बैठकले असार ११ गतेसम्म निषेधाज्ञा थप गर्ने निर्णय गरेको हो ।
त्यस्तै, अब निजी सवारी साधनमा जोर विजोर प्रणाली लागू हुने भएको छ भने बार अनुसार पसल सञ्चालन गर्न पाइने भएको छ । जोर नम्बर प्लेटको निजी सवारी साधन जोर बार र विजोर नम्बर प्लेटो विजोर बार चल्न दिने निर्णय भएको बैठकले बताएको छ । बैठकका अनुसार असार ७ गतेदेखि निषेधाज्ञाको समयमा ट्याक्सी पनि जोर विजोर प्रणालीमा चल्न पाउनेछ । तर, सार्वजनिक सवारी साधन भने चलाउन पाइने छैन ।
