जनादेश संवाददाता,
दाड.। नेपाली काँग्रेसका केन्द्रीय सदस्य दीपक गिरीले शोक, रोक र भोकमा नेपाली कांग्रेस सधैँ तत्पर रहने बताएका छन् । घोराही उपमहानगरपालिका सौंडियारका स्वर्गीय यमबहादुर चौधरीको घरमा आयोजित शोकसभामा कांग्रेस केन्द्रीय सदस्य गिरीले यस्तो बताएका हुन् ।
क्यान्सर रोगबाट पीडित चौधरीको अल्पायुमै निधन भएकोमा शोक व्यक्त गर्दै केन्द्रीय सदस्य गिरीले मृतकका परिवारलाई रोजगारीको वातावरण सिर्जना गरिदिने समेत नेपाली कांग्रेसले जिम्मा लिने अभिव्यक्ति दिए ।
मृतक चौधरीका एक मात्र छोरा एसईई पास गरेर पनि थप अध्ययनको बाटो नपाएको अवस्थामा अब नेपाली काँग्रेसले उनको पढाईको जिम्मा लिनुपर्ने गिरीको भनाइ छ ।
