जनादेश संवाददाता,
कर्णाली । संसदीय मामिला पत्रकार समाज कर्णाली प्रदेशले आफ्ना संस्थापक सचिव स्व डिलप्रसाद शर्माको स्मृतिमा अक्षयकोष स्थापना गर्ने निर्णय गरेको छ । समाजको आज सम्पन्न पहिलो साधारणसभाले रु दुई लाखको अक्षयकोष स्थापना गर्ने निर्णय गरेको हो ।
अक्षयकोषबाट उत्कृष्ट संसदीय रिर्पोटिङ गर्ने कर्णालीका दुईजना पत्रकारलाई पुरस्कार प्रदान गरिनेछ । समाजका अध्यक्ष शेरबहादुर थापाले स्व. पत्रकार शर्माकै नाउँमा पुरस्कार वितरण गरिने बताउनुभयो । उहाँका अनुसार अक्षयकोष स्थापनाका लागि समन्वय एवं सहजीकरण गर्न संस्थाले उपाध्यक्ष देव रानालाई जिम्मेवारी दिएको छ ।
सुर्खेतका पत्रकार शर्माको २०७६ कात्तिक २८ गते बोनम्यारो रोगबाट उपचारका क्रममा काठमाडौँमा निधन भएको थियो ।
