काठमाडौँ ।
पछिल्लो २४ घण्टामा देशभर थप २९१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८ हजार ८ पीसीआर परीक्षणमा २९१ जनामा र एन्टिजेन विधिद्वारा १ हजार ५९८ परीक्षण हुँदा १५ जनामा कोरोना संक्रमण देखिएको जानकारी दिएको छ । यो सँगै नेपालमा संक्रमितको संख्या ८ लाख १६ हजार ९६६ पुगेको छ ।
यस्तै, सोही अवधिमा थप ३४८ जना संक्रमणमुक्त भएका छन् । योसँगै निको हुनेको संख्या ७ लाख ९८ हजार २७४ पुगेको छ । मन्त्रालयका अनुसार आज थप ६ जनाको कोरोनाबाट मृत्यु भएसँगै मृतकको संख्या ११ हजार ४७७ पुगेको छ ।
हाल देशभर सक्रिय संक्रमितको संख्या ७ हजार २१५ रहेको छ ।
