जनादेश अपडेट ।
पतञ्जलीले नेपालमा सञ्चालन गर्ने भनेका दुई टेलिभिजन च्यानलको प्रशारणका लागि वैधानिक प्रक्रिया चाँडै सुरु गर्ने बताएको छ ।
पतञ्जली योगपिठ नेपालका ट्रष्टी शालीग्राम सिंहका अनुसार योग गुरु रामदेव तथा आचार्य बालकृष्ण नेपाल आएको अवसर पारेर प्रधानमन्त्री शेरबहादुर देउवाको समय पनि मिलेकाले उद्घाटन गरिएको हो ।
तर औपचारिक प्रक्रिया भने अब पूरा गरिने उनले बताएका छन् । उनका अनुसार ज्योतिशिय हिसाबले कात्तिक पूर्णिमाको दिन परेकाले उद्घाटनका रुपमा साइत जुराइएको मात्रै हो । उनले भने, ‘विधिवत कार्यचाहिँ बाँकी नै छ । हामी अब त्यो प्रक्रिया पूरा गर्ने छौँ ।’
प्रशारणको अनुमति तथा दर्ता नै नगरी दुई टेलिभिजनको उद्घाटन गरिएको र सञ्चारमा विदेशी लगानी बर्जित रहेको अवस्थामा प्रधानमन्त्रीले नै त्यसको उद्घाटन गरेका भन्दै आलोचना हुँदै आएको छ ।
