जनादेश, काठमाडौं ।
नेकपा माओवादी केन्द्रका स्थायी समिति सदस्य वर्षमान पुनको स्वास्थ्यमा सुधार देखिएको छ । स्वास्थ्यमा समस्या देखिएसँगै थाइल्याण्ड पुगेका उनलाई थप उपचारका लागि चीन लगिएको थियो ।
चीनको सेनजेनस्थित थर्ड पिपुल्स हस्पिटलमा उपचाररत पुनको स्वास्थ्मा सुधार देखिरहेको पारिवारिक स्रोतले जनाएको छ । उनी जण्डिससँग सम्बन्धित रोगबाट ग्रसीत छन् । चिकित्सकका अनुसार उनीमा बिलरुविनको मात्रा घटेर १८ मा पुगेको छ । यसअघि बैँककमा उनको बिलरुविनको मात्रा २२ थियो । बिलरुविन बढ्दा त्यसको प्रभावका कारण हुने बान्ता, शरीर चिलाउने, निद्रा नलाग्ने, खान मन नलाग्ने, शरीर सुन्निने जस्ता समस्या सुधार भएको छ ।
यस्तै, उनको उपचारमा खटिएका चिकित्सकले स्वास्थ्यमा सुधार हुँदै गए पुन निको हुन केही समय लाग्ने बताएका छन् ।
