एजेन्सी ।
अहिलेको युवापुस्ता माझ लोकप्रिय बनेको सामाजिक सञ्जाल ट्वीटरका प्रमुख कार्यकारी अधिकृत ज्याक डोर्सेले कम्पनीबाट राजीनामा दिएका छन् ।
सन् २०१५ देखि ट्वीटरको प्रमुख कार्यकारी अधिकृतको रुपमा कार्यरत डोर्सेले राजीनामा दिएसँगै कम्पनीका सिटिओ पराग अग्रवाल सो कार्यभार सम्हाल्ने भएका छन् । डोर्सेले राजीनामा दिँदै संस्थापक बाहेकका मान्छेले पनि कम्पनी राम्ररी चलाउन सक्ने अवस्थामा पुगेकाको बताएका छन् ।
डोर्सेले वर्षौदेखि सोही कम्पनीमा कार्यरत भारतीय मुलका अग्रवालले कम्पनी सम्हाल्न सक्ने विश्वास रहेको बताएका छन् । अग्रवालले पनि डार्सेका कुरामा सहमति जनाउँदै कम्पनीको आगामी उन्नतिका लागि आफू प्रतिबद्ध रहेको जनाएका छन् ।
