काठमाडौँ ।
पछिल्लो २४ घण्टामा देशभर थप २५५ जनामा कोरोना संक्रमण पुष्टि भएको छ । यससँगै संक्रमितको संख्या ८ लाख २३ हजार ३५७ पुगेको छ ।
स्वास्थ्य तथा जनसंख्या मन्त्रालयका अनुसार ९ हजार १६८ पीसीआर नमुना परीक्षण गर्दा २५५ जनामा संक्रमण देखिएको छ । सोही अवधिमा थप ३६६ जना संक्रमणमुक्त भएका छन् । योसँगै संक्रमण मुक्त हुनेको संख्या ८ लाख ५ हजार ५७१ पुगेको छ । नेपालमा कोरोना संक्रमण निको हुने दर ९७.८ प्रतिशत छ ।
यस्तै, पछिल्लो २४ घण्टामा थप २ संक्रमितको मृत्यु भएसँगै मृतकको संख्या ११ हजार ५४५ पुगेको मन्त्रालयले जनाएको छ ।
हाल देशभर ६ हजार २३९ सक्रिय संक्रमित रहेका छन् । हाल देशभर ९६ जना क्वारेन्टाइनमा रहेका छन् ।
