काठमाडौँ ।
पछिल्लो २४ घन्टामा देशभर थप ३४१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १० हजार ४१६ नमूनाको पीसीआर र २८ सय २० नमूनाको एन्टिजेन विधिबाट परीक्षण गर्दा ३४१ जनामा संक्रमण पुष्टि भएको हो ।
त्यस्तै, सोही अवधिमा थप ३ जना संक्रमितको मृत्यु भएको छ । योसहित नेपालमा कोरोनाबाट मृत्यु हुनेको संख्या ११ हजार ५५७ पुगेको छ।
आज थप ३७६ जना संक्रमणमुक्त भएका छन् । यो सहित कोरोनाबाट निको हुनेको संख्या ८ लाख ७ हजार १५४ पुगेको छ। हाल देशभर ५ हजार ८२४ जना सक्रिय संक्रमित रहेका छन् ।
