जनादेश संवाददाता,
काठमाण्डौ। सरकारले कालापानी, लिपुलेक, लिम्पियाधुरासहित नेपालको राजनीतिक तथा प्रशासनिक नक्सा अन्तर्राष्ट्रिय समुदायमा पठाउने भएको छ।
त्यसका लागि सरकारले अन्तर्राष्ट्रिय समुदायलगायत युनाइटेड नेशन र गुगलमा समेत प्रकाशित हुने गरी तयारी गरेको भूमि व्यवस्था मन्त्री पद्मा अर्यालले बताउनुभएको छ । उक्त नयाँ नक्साको अंग्रेजी रुपान्तरणको काम भइरहेको र काम सकिएसँगै साउनको अन्त्यसम्ममा पठाइसक्ने मन्त्री अर्यालको भनाई छ ।
नेपालको नयाँ नक्सा करीब ४ हजार प्रति अंग्रेजीमा छपाइ गरिसकेको नापी विभागले जनाएको छ । सरकारले जेठ ७ गते कालापानी, लिपुलेक र लिम्पियाधुरासहितको नेपालको नयाँ नक्सा सार्वजनिक गरेको थियो ।
