जनादेश, काठमाडौँ ।
पछिल्लो २४ घण्टामा देशभर थप २ हजार ४४४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १५ हजार ३३ जनाको नमुना परिक्षणमा २ हजार ४४४ जनामा कोरोना संक्रमण पुष्टि भएको हो ।
त्यस्तै, सोही अवधिमा थप एक संक्रमितको मृत्यु भएको छ । यससँगै कोरोनाबाट हालसम्म मृत्यु हुनेको संख्या ११ हजार ६ सय सात पुगेको छ । मन्त्रालयका अनुसार पछिल्लो २४ घण्टामा थप तीन सय १३ जना संक्रमण मुक्त भएका छन् । योसँगै संक्रमण मुक्त हुनेको संख्या आठ लाख १४ हजार सात सय ९८ पुगेको छ ।
हाल देशभर संक्रिय संक्रमितको संख्या ९ हजार ५२२ रहेको मन्त्रालयले जनाएको छ ।
