पछिल्लो २४ घण्टामा देशभर थप ५ हजार ८७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १३ हजार ४७४ पीसीआर र ७ हजार ८६ एन्टिजेन परीक्षण गर्दा ५ हजार ८७ जनामा कोरोना संक्रमण पुष्टि भएको हो ।
त्यस्तै, सोही अवधिमा थप ३ संक्रमितको मृत्यु भएको छ । मन्त्रालयका अनुसार पछिल्लो २४ घण्टामा थप ३०६ जना संक्रमणमुक्त भएर घर फर्किएका छन् । हाल देशभर १८ हजार २३५ सक्रिय संक्रमित रहेका छन् ।
त्यस्तै, पछिल्लो २४ घण्टामा काठमाडाँ उपत्यकामा मात्रै थप २ हजार ६०७ जनामा कोरोना संक्रमण पुष्टि भएको छ। काठमाडौँमा १ हजार ९१३, भक्तपुरमा ३१७ र ललितपुरमा ३७७ जना संक्रमित थपिएको मन्त्रालयले जनाएको छ ।
