जनादेश सोसल मिडिया वाच।
जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले तीन तहको निर्वाचनमा हुने समयको खर्चको बारे पुनर्विचार गर्न सुझाएका छन् । प्रत्येक ५ वर्ष १० महिनासम्म चुनावमा अल्झिनु समय र खर्चको हिसाबले उपयुक्त नभएको उनले बताएका हुन् ।
पूर्व प्रधानमन्त्रीसमेत रहेका भट्टराईले भनेका छन् – चुनावको मुद्दालाई दलीय स्वार्थबाट नहेरौँ । मुख्य मुद्दा यो हो: ३ चरणका स्थानीय तहका कार्यकाल वैशाख/जेठ,असार र असोजमा पूरा हुने र प्रदेशको पुस/माघ र संघको फागुनमा हुने भएकाले प्रत्येक ५ वर्ष १० महिनासम्म चुनावमा अल्झिनु समय र खर्चको हिसाबले कति उपयुक्त होला? बिरालो बाँधेर श्राद्ध गरिरहने? पछिल्लो समय तीनै तहको निर्वाचन एकैपटक गर्न बहस भइरहेको छ ।
चुनावको मुद्दालाई दलीय स्वार्थबाट नहेरौं।मुख्य मुद्दा यो हो:३ चरणका स्थानीय तहका कार्यकाल वैशाख/जेठ,असार र असोजमा पूरा हुने र प्रदेशको पुस/माघ र संघको फागुनमा हुने भएकाले प्रत्येक५बर्ष१०महिनासम्म चुनावमा अल्झिनु समय र खर्चको हिसाबले कति उपयुक्त होला?विरालो बाॅधेर श्राद्ध गरिरहने?
— Baburam Bhattarai (@brb1954) January 22, 2022
स्थानीय तह चुनाव कहिले गर्ने? प्रतिनिधि सभाको ‘अर्ली इलेक्सन’ गर्ने वा तीनै तहका निर्वाचन एकैपटक गर्नेजस्ता विषयमा सत्तारुढ गठबन्धन रुमलिएको छ। संवैधानिक र कानुनी विषय राजनीतिक लाभ–हानीको छिनोफानोमा अल्झिएपछि स्थानीय तहको निर्वाचन संकटउन्मुख छ।
निर्वाचन आयोगले दलहरुसँग परामर्श गरेर स्थानीय निर्वाचनको मिति चाँडो तोक्न सरकारलाई आग्रह गरिरहेको छ। तर, दलहरु भने संविधान कानुनको व्याख्यामा अल्झिँदै आयोगसँगै परामर्शमा छन्। आफैँले बनाएको संविधान र निर्वाचन कानुनको मनासाय व्याख्या गरिदिन कानुनका जानकारहरुसँग गुहार मागिरहेका छन्।
