पछिल्लो २४ घण्टामा देशभर थप ६ हजार आठ सय २७ जनामा कोरोना सङ्क्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पीसीआर र एन्टिजेन गरी १९ हजार आठ सय ६९ जनाको नमुना परीक्षण गर्दा ६ हजार आठ सय २७ जनामा सङ्क्रमण पुष्टि भएको हो ।
त्यस्तै, सोही अवधिमा थप पाँच हजार ४३२ जना संक्रमण मुक्त भएका छन् । यससँगै, हालसम्म संक्रमणमुक्त हुनेको संख्या आठ लाख ४२ हजार चार सय ३६ पुगेको छ ।
यस्तै, पछिल्लो २४ घण्टामा थप १० जना सङ्क्रमितको मृत्यु भएको छ । योसँगै, मृतकको सङ्ख्या ११ हजार ६ सय ९७ पुगेको छ ।
हाल देशभर ८९ हजार ९४१ जना सक्रिय सङ्क्रमित रहेको मन्त्रालयले जनाएको छ ।
