पछिल्लो २४ घन्टामा देशभर थप १ हजार ९५७ जनामा कोरोना भाइरस संक्रमण पुष्ट भएको छ ।
स्वास्थ्य तथा जनसंख्या मन्त्रालयका अनुसार १२ हजार ६९२ जनको नमूना परीक्षणमा १ हजार ९५७ जनामा कोरोना संक्रमण पुष्टि भएको हो ।
त्यस्तै, सोही अवधिमा थप ११ जना संक्रमितको मृत्यु भएको छ भने ५ हजार १०३ जना संक्रमणमुक्त भएका छन् । नेपालमा हालसम्म संक्रमण मुक्त हुनेको संख्या ९ लाख २० हजार ५९२ पुगेको छ।
हाल देशभर सक्रिय संक्रमितको संख्या ३६ हजार १८१ रहेको मन्त्रालयले जनाएको छ ।
पछिल्लो २४ घन्टामा २ लाख ७३ हजार ३४९ जनाले कोरोनाविरुद्धको खोप लगाएका छन्।
