कोरोना संक्रमणबाट पछिल्लो २४ घण्टामा थप १२ जना संक्रमितको मृत्यु भएको छ ।
त्यस्तै, सोही अवधिमा थप १ हजार ३६९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा देशभरबाट ११ हजार ८८० जनामा गरिएको नमुना परीक्षणमा १ हजार ३६९ जनामा संक्रमण पुष्टि भएको हो ।
मन्त्रालयका अनुसार थप २ हजार २३८ जना संक्रमित कोरोनामुक्त भएका छन् । हाल देशभर सक्रिय संक्रमितको संख्या २९ हजार ४ रहेको छ ।
