पछिल्लो २४ घण्टामा देशभर थप ७४७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८ हजार ६९६ नमूना परीक्षणमध्ये ४८२ पीसीआर र २६५ जनामा एन्टिजेन पोजिटिभ देखिएको हो ।
त्यस्तै, सोही अवधिमा थप ८ संक्रमितको मृत्यु भएको छ । यससँगै मृतकको संख्या ११ हजार ९ सय पुगेको छ । पछिल्लो २४ घण्टामा थप २ हजार ३१९ जना संक्रमणमुक्त भएका छन् । योसँगै हालसम्म कोरोना संक्रमणमुक्त हुनेको संख्या ९ लाख ४० हजार ९०२ पुगेको छ ।
मन्त्रालयका अनुसार हाल देशभर २० हजार ७३९ सक्रिय संक्रमित रहेका छन् ।
