पछिल्लो २४ घण्टामा देशभर थप ६८० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पीसीआर विधिबाट ४ हजार २५६ जनामा परीक्षण गर्दा ४९८ जना र एन्टिजेन विधिबाट २ हजार ८३९ जनामा परीक्षण गर्दा १८२ जनामा संक्रमण पुष्टि भएको हो ।
त्यस्तै, सोही अवधिमा थप १ हजार ८३५ जना संक्रमण मुक्त भएका छन् भने थप दुई संक्रमितको मृत्यु भएको छ । मन्त्रालयका अनुसार हाल देशभर सक्रिय संक्रमितको संख्या १९ हजार ४०० रहेको छ ।
यस्तै, पछिल्लो २४ घण्टामा थप ४३ हजार ८८१ जनाले कोरोेनाविरुद्धको खोप लगाएका छन् ।
