पछिल्लो २४ घण्टामा देशभर थप ५७० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ९ हजार ७८९ जनामा गरिएको परिक्षणमा ५७० जनामा कोरोना संक्रमण पुष्टि भएको हो । पीसीआर विधिमार्फत ३६४ र एन्टिजेन विधिमार्फत २०६ जनामा कोरोना संक्रमण देखिएको हो ।
यस्तै, सोही अवधिमा थप ६ जना संक्रमितको मृत्यु भएको छ । योसँगै मृतकको संख्या ११ हजार ९११ पुगेको छ । पछिल्लो २४ घण्टामा थप १ हजार ९९३ जना निको भएसँगै हालसम्म संक्रमणमुक्त हुनेको संख्या ९ लाख ४६ हजार ३३० पुगेको छ ।
मन्त्रालयका अनुसार हाल देशभर १६ हजार ६१६ जना सक्रिय संक्रमित रहेका छन् । जसमध्ये १०९ जना क्वारेन्टाइनमा छन् ।
त्यस्तै, गत २४ घण्टामा थप एक लाख ६४ हजार ४७५ जनाले कोरोनाविरुद्धको खोप लगाएका छन् ।
