पछिल्लो २४ घण्टामा देशभर थप ४३७ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ९१ जनाको नमुना परीक्षणमा ४३७ जनामासंक्रमण पुष्टि भएको हो ।
यस्तै, सोही अवधिमा थप दुई संक्रमितको मृत्यु भएको छ । योसँगै हालसम्म मृत्यु हुनेको संख्या ११ हजार ९१३ पुगेको छ । मन्त्रालयका अनुसार पछिल्लो २४ घण्टामा थप २ हजार ४५४ जना निको भएसंँगै संक्रमण मुकत हुनेको संख्या समेत ९ लाख ४८ हजार ७८४ पुगेको छ ।
हाल देशभर १४ हजार ४३५ जना सक्रिय संक्रमित रहेका छन् ।
