अमेरिकाले एमसिसीको विरोधमा नेपालमा हिंसात्मक गतिविधि भइरहेको बताउँदै आफूहरुलाई उक्त कार्य स्वीकार नभएको जनाएको छ ।
अमेरिकी राजदूत र्याण्डी बेरीले सामाजिक सञ्जालमा ट्वीट गर्दै सो अभिव्यक्ति दिएका हुन् । उनले अमेरिका वाक स्वतन्त्रता र खुला बहसको समर्थक रहेको बताउँदै नेपालमा भइरहेको हालको गतिविधि स्वीकार्य नभएको जनाएका हुन् ।
‘हामी वाक स्वतन्त्रता र तथ्यमा आधारित खुला बहसको बलियो समर्थक हौं, एमसिसीको विषयमा पनि हाम्रो धारणा त्यही हो । आफ्नो विचार व्यक्त गर्न पाउनु लोकतन्त्रको अन्तर्निहित विषयवस्तु हो र सबैलाई आफ्नो धारणा शान्तिपूर्वक राख्न छुट हुनुपर्छ । तर, हिंसा या हिंसा भड्काउने किसिमका विचारहरू स्वीकार्य हुँदैनन्’ उनले ट्वीट गरेका छन् ।
