पछिल्लो २४ घण्टामा देशभर थप १ सय ९४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ६ हजार ३९४ जनामा गरिएको परीक्षणमा १ सय ९४ जनामा संक्रमण पुष्टि भएको हो । त्यस्तै, सोही अवधिमा थप ३४८ जना सङ्क्रमणमुक्त भएको छ । यससँगै संक्रमण मुक्त हुनेको संख्या ९ लाख ५९ हजार ८१७ पुगेको छ । मन्त्रालयका अनुसार पछिल्लो २४ घण्टामा एक जना संक्रमितको मृत्यु भएको छ ।
हाल देशभर सक्रिय सङ्क्रमितको सङ्ख्या ५ हजार ८७५ रहेको छ। पछिल्लो २४ घण्टामा २ लाख ३ हजार ६२५ जनाले खोप लगाएको मन्त्रालयले जनाएको छ ।
