जनदेश, काठमाडौँ ।
लेबननको राजधानि बेइरुतमा भएको ठूलो विस्फोटनको अनुसन्धान सुरु भएको छ ।
अनुसन्धानका लागि राजधानीमा रहेको उक्त बन्दरगाहका केही अधिकारीहरूलाई उनीहरूकै निवासमा नजरबन्दमा राखिएको लेबनन सरकारले जनाएको छ । असुरक्षित रूपमा राखिएको २,७५० टन अमोनियम नाइट्रेटका कारण विस्फोटन भएको राष्ट्रपति मीसेल आउनले बताएका छन् । यस्तै, उकत विस्फोटन परी ज्यान गुमाउनेको संख्या १३५ पुगेको छ भने ४ हजार भन्दा बढी घाइते छन् ।
यूकेस्थित शेफिल्ड विश्वविद्यालयका विशेषज्ञहरूले बेइरुत विस्फोटनको शक्ति दोस्रो विश्व युद्धका बेला जापानको हिरोसिमा मा खसालिएको अणु बम बमको शक्तिसँग तुलना गर्दा त्यो १० भागको एक भाग रहेको अनुमान गरेका छन्।
